Hľadaný výraz: z 119,1-17, Preklad: Hebrejský - Moderný, Počet výsledkov: 1
| 1 אשרי תמימי דרך ההלכים בתורת יהוה׃ 2 אשרי נצרי עדתיו בכל לב ידרשוהו׃ 3 אף לא פעלו עולה בדרכיו הלכו׃ 4 אתה צויתה פקדיך לשמר מאד׃ 5 אחלי יכנו דרכי לשמר חקיך׃ 6 אז לא אבוש בהביטי אל כל מצותיך׃ 7 אודך בישר לבב בלמדי משפטי צדקך׃ 8 את חקיך אשמר אל תעזבני עד מאד׃ 9 במה יזכה נער את ארחו לשמר כדברך׃ 10 בכל לבי דרשתיך אל תשגני ממצותיך׃ 11 בלבי צפנתי אמרתך למען לא אחטא לך׃ 12 ברוך אתה יהוה למדני חקיך׃ 13 בשפתי ספרתי כל משפטי פיך׃ 14 בדרך עדותיך ששתי כעל כל הון׃ 15 בפקדיך אשיחה ואביטה ארחתיך׃ 16 בחקתיך אשתעשע לא אשכח דברך׃ 17 גמל על עבדך אחיה ואשמרה דברך׃ |
